Cronograma e pecerreadas varias

E por fin, o cronograma de actividades PCR! Tras varias modificacións, debido a que tivemos que cambiar a semana prevista da estancia nas comunidades, esta semana pechamos o definitivo (click na imaxen para ampliar!):

A semana do 23 ao 30 de Xullo teremos a estancia na comunidade de Sasle con dúas das familias beneficiairas, Roberto coa de Doña Bersabé e Maruxa coa de Don Bernardo.


Ademais, este luns mantivemos a primeira reunión vía Skype co grupo Agro de ESF (ainda que con algún poblemilla técnico) e deixamos marcada unha próxima reunión para o martes 28 de xullo. Compas de Agro, dúas cousas: primeiro, mercade un micro! e segunda, de seguido a evidencia de que os PCRs tamén sabemos vertebrar como ESF manda!

Ademáis de capacitacións, informes e cronogramas tamén tivemos tempo de bailar na disco máis sonada de Jinotega, xunto con Scarleth e Yesenia, ou cantar nun karaoke cancións que alá os nosos oídos nen serían capaces de soportar...

E como non todo é festa, tamén fixemos turismo

a fin de semana pasada subimos ao Cerro La Cruz con Don Carlos (escalada obrigada para todo PCR que pase por Jinotega)

que nos recompensou cunha sopa(za) nica de Doña Olivia

E esta fin de semana viaxamos a León, "ciudad de Locos y Poetas"

onde case morremos asfixiados camiño ás praias de Poneloya e Las Peñitas (nunca saberás o que pode dar de si un bus nica...)

pero logramos darnos un baño no Pacífico e escapar da euforia futbolística do mundial...

Por suposto, lembrámonos da xentiña de ESF!

Capacitacións de Xénero para FIDER e para as Comunidades

Non, non é o servizo militar nica, é a segunda parte do obradoiro de xénero para o persoal de FIDER no que, seguindo o ritmo do anterior, non faltaron dinámicas, debates e o bo humor.

Nesta segunda parte estivo enfocado na familia e nos roles de xénero que nela se desenvolven, así como nas relacións que se dan no traballo en grupo e no traballo en equipo e nas relacións humanas en xeral. Como valoración final destas dúas capacitacións de xénero ao persoal de FIDER, coincidimos en que foi moi positiva e un punto fundamental á hora de tentar incorporar o enfoque de xénero no seu quefacer diario, no ámbito laboral e no privado.

O xoves desa mesma semana, 7 de xullo, iniciábase en Los Horcones a primeira capacitación de xénero para as familias beneficiarias do proxecto.

Había un grande interese entre o persoal de FIDER e as capacitadoras externas, Carolina e Sandra, en que a asistencia fose ampla e sen recelos sobre a temática. Así que don Carlos e Roberto entregaron as invitacións casa por casa, animando ás parellas da nosa Microcunca.

Debido ás dificultades para poder viaxar ata a zona (non había motos para tantos "paquetes"), os PCRs fumos á capacitación do Comité da Microcunca de Sasle sobre a Lei Xeral de Medio Ambiente e Recursos Ambientais que impartiron don Silvio e don Reynaldo, e proveitamos así para coñecer ás persoas que forman dito Comité. De todas formas, tivemos algunhas dificultades durante a viaxe...

Non sabemos que lle pasou exactamente ao bus, pero afortunadamente logramos chegar a Sasle con tempo máis que suficiente, ata deu para unha sestiña pasada por auga...

O venres día 8, asistimos ao segundo obradoiro de sensibilización ás familias de Sasle e Los Horcones sobre a existencia da fenda de xénero e a necesidade da súa redución progresiva.

Sen deixar decaer o ambiente repasáronse as temáticas de : familia; autoestima; sexo, xénero e roles; e a comunicación. O debate comezou coa parábola "El Vuelo del Halcón":

As dinámicas de grupo leváronnos fóra da escola de Sasle por momentos:

A cousa animouse con algúns sociogramas, acendiuse coa descripción por xéneros e desmelenouse coa dinámica pictórica: as mulleres debuxarían un corpo masculino e viceversa:

A falta de dúas capacitacións de xénero, tamén en Sasle, levámonos un bo recordo destas 20 familias beneficiarias:

E todo baixo a atenta ollada dos técnicos de campo de FIDER:

Proxecto da Microcunca do Sasle. Fase II. Informe Maio 2010.

1. Avances e logros obtidos:

• Realizáronse catro reunións de coodinación de actividades onde se priorizaron actividades como: Reunións con membros do comité da Microcunca nas comunidades de Sasle, entrega de esqueixes de malanga, capacitación a beneficiari@s do proxecto no tema de Manexo Integrado de Plagas, seguimentos dos viveiros de café, das cociñas melloradas, prantas florestais e frutais, vetiver, estado físico das porcas e porcos, supervisión da construcción de galeras para estes e elaboración do informa do mes de Abril.

• Executouse unha cuña radial aludindo ao fortalecimento das capacidades dos comités de desenvolvemento comunal de Sasle e Los Horcones, á reducción da sobre-explotación do chan, disminuición da extracción de leña e concienciación do uso sostible dos recursos naturais.

• Entregouse un afiche a vinte persoas beneficiarias da comunidade de Sasle.

• Deuse seguimento nas cociñas melloradas, árbores frutais, forestais, vetiver en desenvolvemento en 50 fincas de beneficiarias/os do proxecto nas comunidades de Sasle e Los Horcones, así como a un total de 30 porcas e 4 porcos. En Sasle atópanse seis porcas de apoximadamente un mes de xestación que pertencen á productora Erica de los Ángeles García Navarrlo.

• No caso dos viveiros de café existe actualmente unha xerminación do 95%

• Capacitáronse a un total de 46 beneficiarias/os nos temas de Manexo Integrado de Plagas, Lei de Delitos Ambientais, Como presentar unha denuncia ante as autoridades competentes por danos ao medio ambiente e aos Recursos Naturais e Como elaborar Actas no libro de actas.

• No momento da elaboración do informe, a porcentaxe de xerminación da malanga é moi alto (un 95%), o que indica que para o próximo ano os pequenos productores e productoras van dispor de bastante alimentación tanto para as familias como para as necesidades da finca.

• Participación no Foro de Plans de Manexo de Finca celebrado o 13 de Maio de 2010.

2. Tarefas non planificadas pero executadas:

• Percorrido polas comunidades de Sasle e Los Horcones co representate da Xunta de Galicia Xavier Otero, no cal se comprobou o avance do proxecto a través de visitas a diferentes persoas beneficiarias e conversas coas mesmas, considerando a visita do representante un éxito.

• Supervisión da sembra de malanga a 12 persoas beneficiarias na comunidade de Sasle.

• O viveiro de café do beneficiario Basilio Eliseo Méndez logrou unha xerminación do 100% e logrou reponer ao seu propio custe as sementes que non xerminaran. A beneficiaria María Mercedes González tamén logrou unha xerminación do 100%, destacando unha mellora moi positiva da actitude da beneficiaria en relación ao proxecto (o cal motiva moito bastante ao persoal técnico de FIDER).

3. Problemas e/ou limitacións atopadas.

• Tívose que castrar ao chancho semental asignado á beneficiaria Erica de los Ángeles García Navarro ao non responder aos tratamentos de hormonas suministrados, pero este manifestou problemas para a súa recuperación. Suminístraselle un novo semental á beneficiaria.

• En relación ás prantas frutais, o beneficiario Lorenzo Pineda non controlou a afectación por insectos o cal afectou a un total de 40 laranxeiros que están a punto de perderse a pesar das orientacións feitas polo técnico de campo. O mesmo productor tampouo realizou a sembra de valeriana nen sembrou o frijol canavalia.

• A dúas beneficiarias e un beneficiario máis se lles orientou resembrar o vetiver e non o cumpriron ata a data da elaboración do informe.

• A beneficiaria Azucena del Carmen Navarro non aceptou a última hora a malanga xustificando que ten problemas de roubo e afectación dos seus cultivos polos demás veciños. Repártese este material vexetativo entre sete beneficarios/as.

Taller de Capacitación en Xénero ao persoal de FIDER

O mércores 1, ademais de comezar o mes de xullo tamén comezou a capacitación en xénero ao persoal de FIDER cunha primeira sesión levada a cabo pola facilitadora Doña Carolina del Rosario Sánchez Zelaya, seleccionada o pasado mes para a realización da Consultaría para Formación en Equidade de Xénero que se enmarca na acción de FIDER de sensibilizar ás familias beneficiarias e ao persoal técnico sobre a existencia da brecha de xénero e necesidade da súa progresiva reducción.

O taller estivo dividido en catro módulos, sen embargo, todas e todos os participantes puxémoslle tanto entusiasmo conversando, debatindo, descubrindo e descubríndonos (e nalgún descansiño ata bailando!) que se tiveron que deixar os dous últimos temas para a seguinte sesión por falta de tempo, centrádonos só nas partes de Autoestima e de Sexo, Xénero e Roles. Adentrándonos no tema da autoestima falamos do que significa o concepto, definíronse as características da autoestima alta e da autoestima baixa e analizamos dende unha perspectica de xénero como os medios de comunicación inflúen na autoestima tanto do home como da muller.

Uunha das dinámicas consistitu en rachar un folio na maior cantidade de anacos, e Xavi mais Maruxa, coa súa super pedazo de autoestima quixeron presumir cos seus anaquiños de papel sen saber que a segunda parte era reconstruílos!
Pero tamén fumos capaces de superar o reto de reconstruíla, sendo o exercicio unha análise que evidenciou a necesidade de potenciar as actitudes positivas para a mellora da autoestima (ainda que a nós nin falta nos fixeron!)

Despois do descanso para o almorzo, as mulleres puxeron aos homes de FIDER a traballar...

E xa na segunda parte adentrámonos en conceptos como sexo, xénero e as súas diferenzas, e analizamos os roles dende esta perspectiva a través de diferentes dinámicas coas que saíron algúns temas tabú e outros mitos relacionados coa sexualidade do home e da muller que foron destapados e explicados.

Doña Scarleth explicando as visións que se ten dende FIDER e nas comunidades sobre a equidade de xénero nunha das dinámicas.

Don Reynado, don Silvio e Roberto moi aplicadiños na capacitación...

A facilitadora Doña Carolina del Rosario Sánchez Zelaya.

Este mércores, 7 de xullo, continuaremos coa capacitación en FIDER e o xoves e venres realizarase nas comunidades de Los Horcones e de Sasle.

Reparto de canavalia e capacitacións de agro-químicos

A canavalia é unha polivalente pranta que controla as pragas e aporta nutrintes ao terreo onde se aplica. O seu froito pódese aproveitar para as seguintes sementeiras, ten saída no mercado, e resulta un excepcional aporte alimentario para os animais. Por se era pouco, os primeiros brotes son saborosos en sopa.

Pois ben, o martes procedimos a pesar 80 bolsas de case 10 libras de canavalia para cadansúa beneficiaria. Como nun principio as contas non casaban, toda a oficina de Fíder rematou implicándose no monumental lío de encher, pesar, valeirar e volver pesar, ata que a balanza dixo basta... Mais o traballo quedou feito!

Ao día seguinte, os PCRs acompañamos os sacos de canavalia na parte traseira dun camión, ata o seu destino nas comunidades de Sasle e Los Horcones:

O camioneiro apalancounos en Sasle, onde atopamos o letreiro do Proxecto, que axudaron colocar os anteriores PCRs Cris e Anxo, glosado con fermosos debuxos dos 'chigüines' da volta:

Pouco despois, o técnico da co-parte don Silvio presentaríanos á participativa comunidade na escola local e procedería ao obradoiro de Capacitación en Manejo y Uso Seguro de Agro-químicos ante 19 beneficiari@s, na que aprendemos moitísimo.

A capacitación incide en recorrer á fumigación con praguicidas ou herbicidas como última solución, e non primeira, como estaba sendo, debido á súa toxicidade para o productor e para o seu medio...
...e aportáronse solucións alternativas e importantes consellos sobre compra, transporte, aplicación, almacenamento, xestión de residuos, seguridade, saúde e hixiene. Tamén houbo un xantar de fresco e gallopinto, e entregáronse canavalia e afiches.

A viaxe de regreso a Jinotega, nas motos de Silvio e Carlos, con Maruxa e Roberto de paquetes, case remata en acampada inesperada: a época de chuvias nicaragüense manifestouse e a Ponte de San Gabriel apareciu cuberta por unha riada infranqueable que finalmente foi remitindo:


O venres asistimos a outra capacitación esta vez co técnico da co-parte don Carlos, na casa da beneficiaria Erica, quen fora propietaria do famoso chancho gay.

Alí faláronnos moi ben da última PCR Lorena, que tiveron de hóspede unha semana, e enredamos co máis pequeno da familia:

O regreso a Jinotega foi, desta vez, menos accidentado.

Proxecto da Microcunca do Sasle. Fase II. Informe de abril de 2010

1. Avances obtidos

- Priorización das seguintes actividades: Reunións con membros do comité da Micro-cunca; e Capacitacións en elaboración de abonos orgánicos, seguemento aos viveiros de café, cociñas melloradas, prantas forestais, prantas frutais (cítricos), vetiver, estado físico das chanchas, supervisión da construción de galeras para chanchas.

- Informe de actividades e tarefas executadas en marzo de 2010.

- Cuña radial sobre fortalecemento das capacidades, concienciación ambiental e diminución da extracción de leña.

- Entrega de afiche a 20 beneficiarios da Comunidade de Los Horcones e 15 da de Sasle.

- Capacitación en elaboración de abono orgánico a 35 beneficiarios da comunidade de Sasle; e obradoiro práctico a 11 beneficiarios do proxecto:

- Asemblea comunitaria na comunidade de Los Horcones, coa seguinte reestruturación de membros do comité: Marta Pérez (Presidenta), Jorge Luís Herrera Cruz (Vicepresidente), Lucia Karina Centeno Pérez (Secretaria), Maria Delfina Centeno Hernández (Tesorera), Santos Rafael López Espinosa (Primer vocal), Concepción Hernández Montoya (segundo vocal), Leonel Andrés Cruz (Fiscal):

- Seguemento a cociñas melloradas, árbores frutais, forestais e vetiver en desenvolvemento, en 58 fincas de produtores beneficiarios de ambas comunidades. No caso dos viveiros de café existe actualmente unha xerminación do 93%:

- Seguemento do gando porcino (dun total de 41 chanchas e 4 chanchos): construción de 2 galeras, 6 porcas con 1 mes de xestación na comunidade de Sasle, primeiros ingresos da propietaria Azucena Navarro (3.000 córdobas por 6 porquiños), solución a diversos problemas de saúde e conducta dos animais.

2. Tarefas non planificadas, pero executadas

- Capacitación dirixida aos membros do comité sobre: Ley de Delitos Ambientales, Como presentar unha denuncia ante as autoridades competentes por danos ao Medio Ambiente e os Recursos Naturais; Como elaborar actas no Libro de Actas:

3. Problemas e Limitacións

- Nos viveiros de café: reorientados dous casos de escasa xerminación por falta de rego, aconsellado botar máis semente a custo propio noutro caso de escasa xerminación e aconsellada sembra urxente no caso dunha beneficiaria que aínda non sementara.

- En canto ao vetiver: reorientación aos produtores con problemas para sementar novamente.

- No referente ao estado físico de chanch@s: o porco semental entregado polo proxecto á beneficiaria Erica, aínda non reaccionou ao tratamento de hormonas.

- Prantas frutais: 5 produtores sufriron danos por zompopos de ata un 50% nas súas laranxas. Reorientación: deterxente diluido nas zompoperas cada tres días, insecticida ás prantas, burato no medio da zompopera de un metro por un metro, e metro e medio de fondo para aniquilar estes insectos.