· Programa Boas Pácticas Agro/Silvopastorais con enfoque de conca hidrográfica:
Programa
|
Boas
Pácticas Agro/Silvopastorais con
enfoque de conca hidrográfica
|
País
|
Nicaragua
|
Data Inicio
|
01/08/2008
|
Data Fin
|
30/06/2010
|
ONGD
|
Enxeñería Sen Fronteiras Galicia (ESF Galicia)
|
Copartes
|
Fundación para la Investigación y el
Desarrollo Rural
|
Orzamento
|
290.000 €
|
ESF Galicia empezou a traballar no departamento de Jinotega en 2007 a través dun proxecto de “Apoio
a produtores para a realización de boas prácticas agrosilvopastorais e
redución de áreas degradadas en 4 comunidades da parte alta da subcunca
do Río Viejo (Jinotega, Nicaragua)”, coa Asociación de Educación e
Comunicación La Cuculmeca. No marco do plan de ordenación territorial da
subcunca do Río Viejo, no que ESF Galicia participara dando apoio
técnico a Ingeniería Sin Fronteras – Asociación para el Desarrollo (ISF - ApD), o proxecto plantexaba a implementación de boas
prácticas agrosilvopastorais, e rematou en decembro do 2008.
Derivado da estancia de voluntarios de ESF Galicia no terreo durante
2007, fixéronse contactos coa Fundación para a Investigación e
Desenvolvemento Rural (en adiante FIDER), sobre a posibilidade de
empezar a traballar nun proxecto de accións similares na vecina
microcunca do Río Sasle. Estas actuacións básanse tamén nos resultados
do plan de Manexo e Ordenamento Territorial da microcunca do Río Sasle
no que participou Catholic Relief Service Nicaragua e a Universidade
Nacional Agraria a través da Facultade de Recursos Naturais e do
Ambiente. Ese traballo comenzou en agosto do 2008.
As actuacións a executar neste proxecto englóbanse nas cinco liñas seguintes:
- Fortalecer as capacidades de FIDER, do Comité de Cunca do Río Sasle e dos comités de desenvolvemento comunal de Sasle e Los Horcones: mercarase unha moto nova e capacitaranse o persoal técnico de FIDER nas temáticas de ofimática, formulación de proxectos e rego e drenaxe ao mesmo tempo que se prantexa a convocatoria de reunións para reactivar as institucións con capacidade de incidencia a nivel ambiental na zona de actuación.
- Reducir a sobreexplotación do solo: con esta finalidade implementarase a primeira anualidade do plan de manexo de fincas, interpretaranse as análisis de solos e realizaranse capacitacións e xiras de intercambio sobre boas prácticas agrosilvopastorais que axuden á conservación dos solos, da auga e dos recursos agroforestais Tamén se continuará co seguimento do manexo das árbores froiteiras.
- Diminuír o impacto provocado pola extracción de leña dos habitantes da microcunca: a este respecto continuarase co seguimento do manexo das cociñas melloradas construídas e das árbores enerxéticas prantadas na Fase I do proxecto.
- Aumentar a conciencia e a formación da poboación de Sasle e Los Horcones no uso sostible dos recursos e en lexislación ambiental: contempla a divulgación de cuñas radiais, a colocación de rótulos nas comunidades e a elaboración de afiches e calendarios, así como capacitacións nas temáticas de conservación do solo e da auga e de lexislación ambiental.
- Sensibilizar as familias beneficiarias e o persoal de FIDER sobre a existencia da fenda de xénero e a necesidade da súa reducción progresiva: inclúe a capacitación do persoal de FIDER, a sensibilización da poboación beneficiaria e a transversalización da temática de equidade de xénero no desenvolvemento do proxecto.
Ademais, durante todo o proxecto, o persoal técnico de FIDER realizará
as tarefas de seguimento e asesoramento da poboación beneficiaria en
relación coa implementación dos plans de manexo de fincas (viveiros e
manexo do café; plantación ou sementeira e cultivo do pasto de corte,
malanga, Vetiver, canabalia, etc.; manexo de porcas reproductores e
verracos; manexo e almacenamento das colleitas nos silos).
Mentres, a zona do Río Viejo na que ESF Galicia está actuando co
proxecto de boas prácticas agrosilvopastorais xa quedara enmarcada na
zona prioritaria de traballo dun programa de actuación (programa
AECID - TERRENA) sobre: “Reducción de la vulnerabilidad en áreas
empobrecidas, a través del acceso al agua potable, el saneamiento y la
gestión sostenible de los recursos hídricos y del territorio con enfoque
de cuenca hidrográfica. El Salvador, Honduras y Nicaragua”, no que
traballan Ingeniería Sin Fronteras – Asociación para el Desarrollo (ISF - ApD) en
Nicaragua, Ingenieria Sin Fronteras Catalunya en El Salvador, e Enxeñería
Sen Fronteiras Galicia (ESF Galicia) en Honduras, en convenio coa Agencia Española
de Cooperación Internacional para el Desarrollo (AECID). Este programa
inclúe a execución de boas prácticas agrosilvopastorais na zona alta da
cunca do Río Viejo, pero non recolle este tipo de medidas para a
microcunca do Río Sasle (aínda que para esta zona si recolle outras
medias como fortalecemento instucional). Por ese motivo decidiuse
empezar a traballar na zona con FIDER. O existir xa un plan de
ordenamento territorial na zona facilitou a toma de decisión.
O financiador do proxecto é a Dirección Xeral de Cooperación Exterior da Xunta de Galicia.