Dende Nicaragua

Ola a todos!

Pois por fin, aquí estamos, despois dalgunhas idas e voltas de correos conseguimos escribir...Somos Raquel e Sabela, as PCRs en Nicaragua, co proxecto "Fortalecemento das capacidades das comunidades da microcunca do río Sasle para unha xestión sostible dos recursos naturais" (San Rafael e Jinotega).

E,¿por onde empezar? Levamos aquí só 5 días e xa temos tantas cousas que contar...

Polo de pronto dicir que a xente de Fider (a contraparte) nos recibiu moi ben e xa estamos completamente instaladas na súa oficina.

Hoxe foi a terceira visita ás comunidades. Raquel está indo con Carlos, un dos técnicos de Fider, ás da parte alta da cunca (Los Horcones), onde o proxecto se encontra nunha fase máis inicial, e Sabela con Silvio ás da parte baixa (Sasle), onde xa se construíron 40 cociñas melloradas e se repartiron frutais a 40 beneficiarios.

Para desplazarnos ata alí facémolo de "paquetes" nas motos, o que non deixa de ser unha aventura cada día, ben sexa polas chuvias torrenciais, ben porque a moto non acaba de arrancar, ben porque o camiño é tortuoso e está cheo de pedras.O luns xa estaremos completamente equipadas cos nosos "capotes" e botas de goma.

A xente que visitamos é moi hospitalaria, e é posible que máis adiante quedemos nas súas casas uns días.

Como temos problemas para descargar as fotos teredes que esperar ata o luns ou martes para que volos presentemos.

Por hoxe xa nos despedimos, porque temos que madrugar para facer unha longa viaxe ata León, onde nos veremos con Xavi (PCR Honduras) e Mireia.

Para a semana teredes máis novas, detalles e fotos!!!

Raquel e Sabela